Usyk është zotuar se do t’ua marrë titujt e botës

Boksi

Usyk është zotuar se do t’ua marrë titujt e botës

Më: 22 mars 2020 Në ora: 13:50
Usyk është zotuar se do t’ua marrë titujt e botës

Oleksandr Usyk është zotuar se do t’ua marrë titujt e botës dyshes britanike Anthony Joshua dhe Tyson Fury, në përpjekje për ta thyer dominimin e Britanisë së Madhe në peshat e rënda të boksit botëror.

Ylli ukrainas synon të luftojë kundër dyshes britanike Joshua dhe Fury, të cilët i zotërojnë të gjithë titujt e botës, por së pari është duke u përgatitur për t’u përballur me Derek Chisora më 23 maj në Londër.

Kjo do të jetë vetëm lufta e tij e dytë në divizionin elitar.

Oleksandr Usyk

Usyk u bë kampion i padiskutueshëm në kategorinë mes peshave të mesme dhe të rënda, derisa e fitoi edhe super serinë në boksin botëror dhe tani është sypatrembur në sfidimin e mbretërit e kategorisë së rëndë, Joshuan dhe Furyn.

“Jam duke punuar zellshëm për këtë”, tha Usyk kur u pyet nëse synon t’i mbajë të gjithë titujt në peshat e rënda.

Por boksieri i talentuar nuk kishte kundërshtar të parapëlqyer kur u pyet se kë e donte në ring mes Joshuas dhe Furyt, duke thënë: “Dua të luftoj kundër të dyve”.

Joshua është kampion aktual në WBA (Super), IBF, WBO, dhe IBO, ndërsa Fury në WBC.

Shfaq komentet
comments powered by Disqus
Sot mund të lexoni Shfletoni kopertinat