Conor McGregor e ka lënë anash rivalitetin, duke u lutur për shërbimin e babait të kampionit të UFC-së, Khabib Nurmagomedov.
Abdulmanap Nurmagomedov, i cili po ashtu është trajner i Khabib, është në gjendje të rëndë shëndetësore në një spital në Rusi.
Doktorët e një spitali ushtarak në Moskë vlerësojnë se gjendja shëndetësore e trajnerit të UFC-së, Abdulmanap, është e rëndë por e qëndrueshme.
57-vjeçari ishte vendosur në koma pasi gjendja e tij ishte rënduar për shkak të pneumonisë.
Por atij i është kthyer vetëdija pas operimit.
McGregor e kritikoi Khabibin këtë javë, por sot e shkroi një mesazh mbështetës për babanë e tij në Twitter: “Jam i trishtuar nga ky lajm. Ai është gjeni i mirëfilltë i arteve marciale”.
McGregor u mposht nga Khabib në meçin e famshëm të UFC-së në tetor të vitit 2018 dhe dyshja pritet të ballafaqohet sërish në një rimeç.
Khabib mbetet i pamposhtur në UFC.
