Fury: Më ofruan 10 milionë $ për një duel që vlen 500 milionë - Bota Sot
Fury: Më ofruan 10 milionë $ për një duel që vlen 500 milionë

Boksi

Fury: Më ofruan 10 milionë $ për një duel që vlen 500 milionë

Më: 26 qershor 2020 Në ora: 10:30
Tyson Fury

Rikthimi në ring i Mike Tyson afrohet gjithnjë e më shumë. “Majku i Hekurt” ka befasuar fansat e tij në rrjetet sociale me formën fizike dhe shpejtësinë në grushtim. Gjithsesi, të gjithë duan të dinë se ndaj kujt do të duelojë, ndaj Evander Holyfield, rivalit të tij legjendar apo ndaj ndonjë tjetri.

Tyson Fury, kampioni i botës në peshën e rëndë, deklaron se është kontaktuar nga Mike Tyson për të negociuar për një duel mes tyre. Por ai konfirmon se shuma e përmendur nga biseda me Mike Tyson është 50 herë më e lartë se ajo e ofruar nga ESPN për të organizuar duelin.

“Kur bisedova me Mike Tyson flsnim për një shumë 500 milionë dollarësh për një duel mes nesh, por oferta që na erdhi të dyve ishte qesharake. ESPN më ofroi 10 milionë dollarë e po kaq edhe Mike, ndaj të gjithë u tërhoqëm nga kjo sfidë”, tha boksieri britanik, kampion bote në peshën e rëndë.

Gjithsesi, Fury shprehet edhe për dilemat e sfidës: “Do të më pëlqente të dueloja ndaj Mike, të ndanim së bashku ringun. Nëse do të fitonte, njerëzit do të thonin se jam një plehrë, pasi më mundi një 53-vjeçar. Nëse do të fitoja unë, do të më shanin, pasi do të mundja një boksier të vjetër e në pension”.

Shfaq komentet
comments powered by Disqus
Sot mund të lexoni Shfletoni kopertinat