Kampioni i botës Dominic Bösel do të mbrojë titullin kundër sfiduesit nga Kosova Haxhi Krasniqi të shtunën e fundjavës (10 tetor), në versionin WBA / IBO në peshën gjysmë të rëndë.
Meçi mbahet në “GETEC Arena” në Magdeburg.
Ish-kampioni evropian, Krasniqi, është më i përgatitur se kurrë dhe kërkon titullin e botës. Boksieri Bösel beson e shpreson se do të fitojë sfidën e madhe. “Më në fund është koha!
Dua që t'ju tregoj gjithë botës në ring se si unë e mbroj titullin. Tek Robin Krasniqi pashë shumë gjëra në të cilat mund të hyj. Synoj një përfundim të hershëm, me një nokaut”, tha mes të tjera Bösel.
Pamje nga konferenca e Haxhi Krasniqit, foto Eroll Popova
Trajner i Bösel Dirk Dzemski, tha mes të tjera: “Robin është një sfidues i shkëlqyeshëm. Ndoshta është shansi i tij i fundit në Kupën e Botës”.
Haxhi Krasniqi, që po e bën krenar kombin shqiptar, premton luftë të madhe në ring. “Unë vetëm synoj të luftoj. Vullneti im është i pathyeshëm! Ëndrra e brezit të titullit të botës më në fund duhet të realizohet, që në përpjekjen e tretë”, tha mes të tjera Krasniqi.
Trajneri i Krasniqit, Magomed Schaburow, tha se gjithçka është perfekt në kampin e tyre. “Ne kishim kushtet më të mira, gjithçka ishte perfekte. Kështu e marrim titullin. Përqendrohem te Robin çdo ditë, në stërvitje. Fatkeqësisht, familjen time e shoh shumë rrallë!”, tha mes të tjera Schaburow!
Foto Eroll Popova
