Në vitet e 90-ta, sportistët shqiptarë u organizuan në forma të ndryshme dhe dhanë gjithçka nga vetja për të mbajtur gjallë sportin e Republikës së Kosovës.
Sportistët shqiptarë u përgjigjen njëzëri për të garuar në Kampionatin e pavarur të Republikës së Kosovës dhe jo më të vazhdojnë me ligat ish jugosllave dhe me klubet e Serbisë.
Një boksier i shquar dhe trajner i dalluar, që nuk harrohet është edhe Xhafer Thaqi!
Ai ka qenë prej boksierëve dhe trajnrëve më të mirë që kishte Gjakova dhe Kosova në vitet 90-ta.
Ai kishte dhënë kontribut të çmuar për boksin dhe sportin në përgjithësi.
Ishte i fuqishëm, i guximshëm dhe së bashku me mijëra sportistë iu kundërvunë agresorit serb.
Edhe sot thonë, Xhaferi ka qenë njeriu i fjalës, i vendosur dhe sypatrembur përballë çdo kërcënimit që vinte nga kuzhina e Beogradit.
Si mijëra shqiptarë edhe Xhafer Thaçi iu bashkua Ushtrisë Çlirimtare të Kosovës (UÇK), duke e luftuar armikun shekullor, Serbinë.
Thaqi ra heroikisht me 13 prill të vitit 1999 në mbrojtjen të Republikës së Kosovës. Thaqi si në ring si me pushkë i doli në mbrojtje atdheut. Sportist i Gjeneratës Republikës dhe dëshmor i lirisë.
