Boksierët me prejardhje nga Kosova gjithnjë kane treguar rezultate te mira ne Evrope, kurse rasti i fundit është edhe me një boksier nga Kosova qe jeton dhe vepron ne Zvicër, Ardian Suli, i cili gjatë fundjavës arriti që ne boksin amator të shpallet kampion i këtij vendi. 23 vjeçari deri tek titulli arriti pasi mposhti pa probleme 2 kundërshtarët e tij dhe në fund u shpreh shume i kënaqur me atë qe tregoj në ring, njotton Abdyl Salihu, menaxher i "Arena Rings".
Ndryshe, ky djalosh me prejardhje nga Gjilani ka kohe qe po ushtron nen drejtimin edhe të disa trajnerëve shqiptar si Ramadan Millaku e Muharem Gjocaj, madje me këtë të fundin planifikon që në të ardhmen te bashkëpunoj edhe ne boksin profesionist.
Menaxheri, Gjocaj për portalin tonë tha se ky djalosh ka talent dhe është i fuqishëm andaj me një pune me përkushtim dhe me një organizim të mirë, mund te arrije shume suksese edhe në boksin profesionist.
Ndryshe, ky bokser ka pas shume kontakte edhe me legjendën shqiptare te boksit, Aziz Salihu ku i njëjti e ka këshilluar shume herë. Ndryshe, cekim se ne kampionatin e Zvicres u paraqit edhe nje bokser shqiptar qe poashtu u shpall kampion.
