Legjenda e boksit, Mike Tyson beson se vdekja është duke i ardhur shumë shpejt, ndërsa ka folur edhe për falimentimin e tij dhe humbjen e qindra milionave dollarë pas problemeve me gruan e tij.
56 vjeçari i tha terapistit të traumave dhe të varësisë, Sean McFarland se ndien që koha e tij do të mbarojë shpejt.
“Ne të gjithë do të vdesim një ditë, natyrisht”, theksoi Tyson në “podcastin” e tij “Hotboxin’ with Mike Tyson”, shkruan “Daily Mail”.
“Tutje, kur e shikoj veten në pasqyrë, i shoh ato pika të vogla në fytyrën time dhe them: ‘Wow, data ime e skadimit është afër, vërtet afër”, vazhdoi ish-kampioni i botës në kategorinë e rëndë të boksit profesionist.
Ndër të tjera, Tyson ka thënë se paraja nuk ka shumë rëndësi për të më, duke shtuar se ajo ta ofron një ndjenjë false të sigurisë.
“Njerëzit mendojnë se paraja do t’i bëjë të lumtur pasi nuk kanë pasur para më herët. Pr, kur ke shumë para, nuk mund të presësh që të të duan të gjithë. Beson se je i paarritshëm kur ke shumë para dhe kjo nuk është e vërtetë”, nënvizoi Tyson.
Ai po ashtu tha se e kishte një bisedë me gruan e tij të tretë, Lakiha Spicer, pasi ajo kishte thënë se paratë do t’i ofrojnë asaj siguri afatgjate kur ai të vdesë.
