Agim Tahiraj: Jam plotësisht i pavarur! Për referim, jemi më të mirët në rajon

Boksi

Agim Tahiraj: Jam plotësisht i pavarur! Për referim, jemi më të mirët në rajon

Nga: Kemajl Goca Më: 27 korrik 2022 Në ora: 14:10
Agim Tahiraj

Agim Tahiraj, kryetar i Shoqatës së Gjyqtarëve të Boksit të Kosovës, tha se po punojnë pareshtur në rritjen e nivelit dhe po ashtu po marrin edhe komplimente për referim.

Tahiraj tha se për referim, janë më të mirët në rajon.

A është i pavarur a i ndikuar Agim Tahiraj?

“Plotësisht i pavarur si gjithmonë e në çdo punë që kam bërë dhe bëj. 

Të jeni të bindur gjithmonë, por e them edhe këtë me sinqeritet se gjithmonë kemi qenë të pavarur e të pa ndikuar në mendimet tona e në ndarje të drejtësisë, të gjithë që kemi bërë dhe bëjmë këtë punë dhe do të jemi gjithmonë te pavarur e të pa ndikuar. 

Për sa i përket referimit jemi më të mirët në rajon e këtë e thonë edhe plot të tjerë kur kthehen nga turnetë nga jashtë, këtu nuk flasin haptas. 

Respekt për të gjithë kolegët të mëhershëm e të tanishëm, një gjë mund të themi se nuk ka njerëz të pa gabuar. 

Respekt e shëndet për të gjithë kolegët e sportit e posaçërisht të boksit. Kemi qenë gjithmonë njëshi, të bashkuar dhe do të jemi gjithmonë bashkë dhe një”, përgjigjet Tahiraj për gazetën kombëtare “Bota sot”.

commentFirst article
Sot mund të lexoni Shfletoni kopertinat