Ekipi i Kosovës në boks do të udhëtojë nesër drejt Bullgarisë për Ligën Nacionale “Gala Mbramje” që është organizuar nga Federata Bullgare e Boksit.
Me këtë turne ekipi jonë i boksit do të përmbyll garat për vitin kalendarik 2022, ndërsa Kosovën do ta përfaqësoj boksieri, Shpejtim Shabani.
Në kuadër të kësaj mbrëmjeje do të boksojnë ekipi i Tigrave dhe ekipi i Ujqërve, ku në këtë të fundit merr pjesë boksieri jonë, Shabani.
Në kuadër të kategorisë 92+ kilogramë, Shabani do të përballet me boksierin bullgar, Jordan Morehon.
Me ekipin kosovar do të udhëtojë edhe trajneri Faton Xhakli dhe gjyqtari ndërkombëtar, Latif Demolli, ku ky i fundit është ftuar për ta ndarë drejtësinë.
Përballjet do të zhvillohen më datën 9 dhjetor në qytetin Svilengrad të Bullgarisë.
