Më 22 shkurt të vitit 2003, Mike Tyson hyri në ring për t’u ndeshjur me Clifford Etienne në atë që do të ishte fitorja e tij e fundit në ring.
Tyson, i cili më vonë humbi në vitin 2004 me Danny Williams dhe në 2005 me Kevin McBride, mposhti boksierin e njohur si “The Black Rhino” në vetëm 49 sekonda, pavarëisht se u fut në ring me shpinën e dëmtuar.
Aktualisht, Mike Tyson ka arritur ta kthejë jetën e tij në rrugën e duhur me investimet e tij në bizneset e lidhura me kanabisin, ndërsa Clifford Etienne vazhdon të vuajë dënimin e tij prej 105 vitesh burg, me të cilin u dënua në vitin 2006 për grabitje me armë, rrëmbim dhe tentativë vrasje të një oficeri policie në Baton Rouge, Luiziana.
Clifford Etienne, “Rinoceronti i zi” i boksit që luftoi me Mike Tyson, Francois Botha dhe gjigantin e frikshëm Nikolay Valuev, e gjeti veten pas hekurave dhe me një pasion të ri. Ai nisi të pikturonte në burg, figura të cilat mund t’i shihje kudo në murin e institucionit për vuajtjen e dënimit.
Ettiene u transferua së fundmi nga burgu pasi pësoi një sulm në studion e pikturës ku punonte dhe flinte në burg.
Në destinacionin e tij të ri, ai nuk mund të pikturojë, por pret që miqtë e tij të vjetër jashtë qelisë ta ndihmojnë dhe t’i ofrojnë këtë mundësi.
