Boksieri Anthony Joshua beson se viti 2018 do të jetë viti ku ai do të hyjë në historinë e boksit si një nga më të mëdhenjtë e këtij sporti në peshat e rënda. Kampioni i botës në kategoritë IBF dhe WBA kërkon të unifikojë titujt kampionë bote në një të vetëm, duke synuar përballjen me Deontay Wilder (mban titullin e kategorisë WBC) dhe Joseph Parker (kampion në WBO).
“Kam 4 vjet që e pres këtë moment, duke dëgjuar çfarë njerëzit dëshirojnë. Ata duan të dinë se kush do të jetë mbreti i peshës së rëndë. Pres që vitin tjetër të zgjidhet kjo çështje”, tha Joshua. “Ne jemi në bisedime dhe presim se çfarë thonë rivalët, por e ndjej se viti i ardhshëm do të jetë fantastik për mua”, tha Joshua.
