“Tërbohet” Khabib: Do t’ia ndryshoj formën e fytyrës McGregorit!

Boksi

“Tërbohet” Khabib: Do t’ia ndryshoj formën e fytyrës McGregorit!

Më: 4 gusht 2018 Në ora: 19:23
Khabib Nurmagomedov dhe Conor McGregor

Conor McGregor ka konfirmuar rikthimin e tij në UFC dhe përballjen me kampionin në fuqi për peshat e lehta, Khabib Nurmagomedov. Por ndeshja që do të zhvillohet më 6 tetor në Las Vegas, premton të jetë një spektakël i vërtetë pasi rusi ka deklaruar se ka ndërmend t’a “rikompozojë” fytyrën irlandezit.

“Famëkeqi”, siç është edhe nofka e McGregor, do të rifutet në kafaz për herë të parë që prej nëntorit 2016, kur mundi Eddie Alvarez për të fituar titullin e peshave të lehta. Që prej asaj kohe ai ka realizuar vetëm një ndeshje boksi me Floyd Mayweather ndërsa ka kaluar më shumë kohë me familjen, kryesisht me djalin e tij të vogël. McGregor u shkurorëzua një vit më parë nga UFC e më pas Nurmagomedov arriti të mundte Al Iaquninan për të marrë titullin kampion.

Një ditë më parë, rusi u tregua i gatshëm për t’u ndeshur me McGregor, por pretendon të fitojë edhe ai një shumë të majme nga gjithë kjo histori. “Nëse duan ta bëjnë ndeshje parash atëherë duhet të më paguajnë edhe mua”, tha Khabib.

“Shpresoj shumë që ndeshja të bëhet dhe mendoj se do të bëhet sepse unë dua që t’ia ndryshoj fytyrën këtij tipit. Dua vërtet ta takoj vetëm për vetëm në kafaz. Unë jam kampioni i pamposhtur i peshave të lehta. Nuk kam unë nevojë për të, ai ka nevojë për mua. Unë thjesht do ta hedh në tokë. Jo në raundin e parë, do ta bëj me qetësi”.

Sot mund të lexoni Shfletoni kopertinat