Emrat që dikur dridhnin ish Jugosllavinë, u takuan në një darkë speciale dhe u çmallen mes vete. Folën e qeshën dhe u çmallen deri në pikën e fundit, kujtuan periudhat e arta të tyre kur ishin pesë herë kampionë të ish Jugosllavisë dhe gjashtë herë nënkampion, por edhe fitues të medaljeve të shumta në rrafshin ndërkombëtar.
Ishint ë pranishëm emrat të mëdhenj, si Mehmet Bogujevci, Xhevdet Peci, Nazif Gashi, Enver Hajredini, Afrim Majanci, Fatmir Makolli, Sherif Aliu, Zahir Shabani, Latif Demolli, Qamil Pajaziti, Naser Bajrami, Beqir Berisha, Esat Krajkova, Jonuz Pajazizi, Ismet Haziri, Afrim Halimi, Rrahim Hasani, Haki Peci, Farik Gërxhaliu dhe Haki Gashi.
Kjo ndejë ishte organizuar nga ish boksieri i mirënjohur Afrim Majanci dhe vërtet ishte mbrëmje e paharrueshme e emrave të mëdhenj, që ende kujtohen me emocione e krenari nga gjeneratat e vjetra.
Përse mungoi Aziz Salihu? ‘Zizi’ mungoi me arsye siç merret vesh sepse ishte në pushime, në njërën nga bregdetet shqiptare.