Khabib fton në duel Mayweatherin - Bota Sot
Khabib fton në duel Mayweatherin

Boksi

E hënë, 19 nëntor 2018

Khabib fton në duel Mayweatherin

Më: 14 tetor 2018 Në ora: 19:43
Khabib Nurmagomedov dhe Floyd Mayweather

Luftëtari i UFC-së, Khabib Nurmagomedov dëshiron të korrë sukses aty ku rivali i tij Conor McGregor dështoi. Ai ka ftuar boksierin Floyd Mayweather në duel me fjalët “Në xhungël ka vetëm një mbret”.

Nurmagomedov mundi McGregor më 6 tetor ku zgjeroi rekordin e tij të pamposhtur për artet marciale në 27-0.

Kjo ishte lufta e parë për McGregor qëkur humbi në boks nga Mayweather në gusht të vitit 2017.

“Le të shkojmë, Floyd, ne duhet të luftojmë tani,” tha Nurmagomedov, në një video të Instagram-it.

Mayweather e mposhti McGregor në raundin e 10-të në luftën e tyre dhe kjo deri tani është ndeshja e tij e fundit.

“Sigurisht që unë jam mbreti, sepse ai nuk mundi të mposhtë lehtë McGregor dhe unë e bëra me lehtësi”, shtoi Nurmagomedov i cili mbanë titullin e tij të UFC kundër McGregor.

Nurmagomedov dhe McGregor janë suspenduar përkohësisht nga Komisioni Shtetëror i Atletikës të Nevadës.

Pas fitores së tij, Nurmagomedov kërceu rrethojën dhe ka filluar t’i sulmojë pjesëtarët e skuadrës së McGregorit.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test