Pas performancës shumë të afërt në ndarjen e çmimeve “Oscar”, Lady Gaga u përfol se është në një lidhje dashurie me Bradley Cooper.
Këngëtarja me famë botërore performoi me kolegun e saj këngën “Shallow” ku shkëmbyen një shikim që nxiti spekulimet se janë të dashuruar.
Lidhur me këto thashetheme ka reaguar vetë ylli i pop-it, duke i hedhur poshtë e duke u shprehur se janë miq të mirë.
Por së fundmi është publikuar një foto e tyre që është bërë menjëherë virale. Fotografia është publikuar nga një fans i aktorëve dhe është realizuar nga premiera e filmit në Los Anxhelos në shtator, ku duket buzëkuqi i Lady Gaga në mjekrën e Bradley.
Kjo foto ka ngjallur sërish dyshimet se Gaga dhe Cooper janë të lidhur. Ndërkohë kujtojmë se Bradley vazhdon lidhjen me supermodelen Irina Shayk, me të cilën ka dhe një fëmijë.
