Nuk e ka problem ta tregojë moshën (e pse ta ketë në fund të fundit), kur nëse do të ulej në bankat e ndonjë gjimnazi, vështirë se do të gjenim qoftë edhe më të voglin ndryshim me ‘shoqet’ e klasës!
Dhe me të drejtë në foton e postuar së fundmi, Hueyda El Saied shkruan se ka ditë (që me siguri duhen të jenë të shpeshta), kur ajo ndihet 44 vite më e re.
Përpos geneve që rrjedhin në dejet e Hueydës; pozitiviteti, mënyra si ajo e sheh jetën, kryevepra e saj që mban emrin Gabriel, ‘vogëlushja’ që duket se nuk do të largohet asnjëherë nga Hueyda; të gjitha këto kanë luajtur rol që zeshkania të mbetet e re, dhe ‘betejën’ me kohën El Saied e ka përherë të fituar!
