Stilisti Italian, Alessandro Michele i markës ndërkombëtare Gucci erdhi me një shfaqje tërësisht ndryshe duke tërhequr vëmendjen mediatike. Me një plan të mitrës në fustan për shfaqjen e tij “Cruise 2020” në Milano ai mbështeti idenë që femrat të kenë liri në vendimarrje duke kundërshtuar në këtë mënyrë, ndalimin e abortit në Alabama.
Me anatominë e femrës të stampuar nëpër veshje të koleksionit të ri, Alessandro Michele solli një sfilatë unike. Veshjet të punuara me dorë, me detaje qendismash kishin të shkruar edhe një slogan feminist të përdorur gjerësisht në vitet 70-ë: Trupi im, zgjedhja ime.
Në profilin publik në rrjete sociale, marka prestigjoze shkruan: “Gucci ka një angazhim të gjatë për gratë dhe vajzat duke financuar projekte anembanë botës për të mbështetur të drejtat seksuale dhe riprodhuese, shëndetin e nënës dhe lirinë e zgjedhjes individuale”.
Gucci ka një angazhim të vazhdueshëm për të financuar projekte për gratë në mbarë botën, për të mbështetur të drejtat seksuale dhe riprodhuese, shëndetin e nënës dhe lirinë e individit”.
Idetë krejtësisht të natyrshme, nuk kishin të mbaruar. Pompat e gjirit që përdoren nga femrat pas lindjes për të sjellë qumështin e nënës për beben, ishin një tjetër figurë e zgjedhur për t’u qendisur në fustanet Gucci.
Ligjshmëria e abortit ishte një motiv mbizotërues në shfaqje. Fjalët “Trupi im, zgjedhja ime” stolisnin disa rroba, dhe sipas stilistit, Michele frymëzimi erdhi nga ngjarjet e fundit.
“Kohët e fundit ajo që lexova në gazeta më bëri të mendoj për faktin se gratë duhet të respektohen. Ata duhet të jenë në gjendje të zgjedhin atë që duan dhe ndërprerja e një shtatëzanie nuk do të çrrënjosë mitrën”, – u shpreh Michele gjatë prezantimit të koleksionit të ri.
Gucci ka qenë një mbështetje e hershme e figurës së femrës, ku për vite me radhë në përmbajtje të sfilatave të mbajtura kanë qenë pjesë dhe fushatat sensibilizuese ndaj gruas, lirisë dhe barazisë.