Është bërë zakon që para çdo edicioni, në një nga emisionet televizive investigative më të ndjekura në ekran, të ndërrohen edhe velinat.
Pas çeljes së audicioneve dhe marrjes pjesë të disa konkurrenteve është bërë e mundur përzgjedhja e dy velinave të emisionit investigative, “Fiks Fare”.
Të dyja vajzat nuk janë pak të njohura për publikun.
Ato janë përfshirë në konkurse bukurie ku kanë fituar edhe çmime, si dhe kanë qenë pjesë e sfilatave të shumta apo seteve fotografike.
Bukuroshja brune, Dajana Ponari është kurorëzuar “Miss Durrësi 2019”, por ka fituar edhe çmime të tjera si “Miss Sirena”. Po kështu është marrë me modeling, ndërkohë që pasion për të është edhe aktrimi.
Biondja Altea Noka është studente për drejtësi si dhe mban një çmim bukurie, atë të “Miss Bikinit 2018” . Përveç modelingut, Altea është notare, për tetë vite, ku është marrë me not, në një nga ekipet e njohura të kryeqytetit.
Të hënën, më 2 shtator, Fiks Fare në TCH, nis edicioni e radhës.
