Kida realizon fotosesion unik

Bota e Yjeve

Kida realizon fotosesion unik

Më: 4 dhjetor 2021 Në ora: 14:20
Kida

Kida është padyshim një prej këngëtareve më të suksesshme dhe më të kërkuara të momentit në vend.

Ajo mbetet e angazhuar me koncerte dhe mbrëmjeve të shumta muzikore edhe gjatë kësaj sezone, e të cilët janë kryesisht në diasporë.

Por, krahas kësaj Kida është duke punuar drejt finalizimit të albumit, që do të jetë i parë në karrierë.

Image
Kida

Nisur nga kjo, krijuesja e hitit “Drunk” ka paralajmëruar projektet e reja në mënyra të ndryshme dhe mjaft të veçanta.

Pas publikimit të një video, në të cilën shihen vetëm petalet e një lule të bardhë, së fundmi këngëtarja ka realizuar edhe një fotosesesion unik.

Image
Kida

Kida shihet pa sytjena, e veshur me një kostum lëkure, xhaketë të shkurtër dhe pantallona me të njëjtën ngjyrë, në të cilën në fokus ishte dekolteja e hapur, ndërsa shihet e rrethuar me lule të bardha.

“Lulja juaj e preferuar”, ka shkruar Kida në mbishkrimin e imazheve, duke mos dhënë detaje rreth projekteve të reja.

Ndërkaq, kujtojmë që kënga e fundit e 23-vjeçares është “Ike”, që u publikua në fund të muajit tetor dhe deri tani ka grumbulluar mbi tre milionë klikime në YouTube.

commentFirst article
Sot mund të lexoni Shfletoni kopertinat