Këngëtarja e njohur shqiptare me famë botërore, Bebe Rexha, ka festuar sot (e enjte) ditëlindjen e saj të 29-të.
Urimet dhe befasitë për të kanë qenë të shumta nga miqtë, kolegët dhe familjarët e saj.
E famshmja Rita Ora, ishte ajo e cila publikoi në InstaStory disa fotografi, ku shfaqej duke u puthur me Beben, ndërsa i uronte asaj ditëlindjen.
Ditëlindjen e saj të 29-të, Bebe Rexha, po e feston me familjarët e saj, të cilët nuk e kanë lëshuar këngëtaren pa dhurata.
Në një video të publikuar në InstaStory, këngëtarja shqiptare ka prezantuar buqetën me lule dhe unazën e argjendtë, që e ka marrë nga vëllai i saj i vogël, Florenti.
“Vëllai im më i mirë”, ka shkruar ajo në mbishkrimin e fotografisë.
Bebe Rexha dukej mjaft e lumtur ndërsa ka pranuar këtë dhuratë të veçantë nga një prej njerëzve të saj më të afërt.
