Qëllohet në mënyrë misterioze me armë në makinë, vdes modelja 28-vjeçare - Bota Sot
Qëllohet në mënyrë misterioze me armë në makinë, vdes modelja 28-vjeçare

Bota e Yjeve

Qëllohet në mënyrë misterioze me armë në makinë, vdes modelja 28-vjeçare

Më: 13 tetor 2018 Në ora: 13:45
Kelsey Quayle

Modelja amerikane Kelsey Quayle ka ndërruar jetë pasi është qëlluar me armë zjarri në rrethana ende të paqarta.

28-vjeçarja ka qenë duke drejtuar makinën e saj në Clayton County, Georgia në momentin që ka ndodhur ngjarja e rëndë.

Ajo u transportua me urgjencë në spital por fatkeqësisht ndërroi jetë më vonë. “Fox News” raporton se anëtarët e familjes së 28-vjeçares janë shprehur se ajo u qëllua në qafë teksa ishte në makinën e saj, të hënën në mëngjes.

Disa muaj më parë ajo u transferua së bashku me të dashurin në Georgia, që të ndiqte karrierën e saj si modele në Atlanta.

“Duam të dimë se kush e bëri këtë. Është qesharake. Ajo nuk e meritonte një gjë të tillë”, ka thënë motra e viktimës, Kayleigh Quayle.

Kjo e fundit ka shtuar duke thënë për të motrën: “Ajo ishte e bukur, e ëmbël dhe një person shumë i dashur. Ajo donte të gjithë dhe të gjithë e donin atë”.

Për “Fox 5”, pjesëtarë të familjes kanë thënë se plumbi hyri në qafën e 28-vjeçares duke prerë kordonin e saj kurrizor në bazën e trurit të saj, duke shkaktuar dëmtim të menjëhershëm të trurit.

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...