Jennifer Garner dhe i dashuri i saj John Miller janë parë së bashku, në publik.
Ylli i Peppermint dhe i dashuri i saj i ri, drejtori ekzekutiv i Cali Group janë fotografuar duke ndjekur së bashku një performancë të mjuzikllit Dear Evan Hansen, në teatrin Ahmanson, në Los Angeles.
Ky takim ishte edhe dalja e parë publike e çiftit.
Në fotografitë që i ka siguruar E!News, Garner e veshur me një sako ngjyrë hiri, një bluzë ngjyrë rozë të hapur dhe xhinse shihet bashkë me biznesmenin, në sediljet e pasme të veturës, shumë e buzëqeshur.
Garner dhe Miller janë përpjekur gjatë gjithë kohës që të jenë sa më diskretë, duke u larguar nga vetura ndaras, për të mos u fotografuar së bashku.