Janë ende beqare dhe kanë provuar magjinë e fustanit të nusërisë në sfilatën e këtij fundviti, ku modelet e reja për vitin 2019 i ekspozuan në pasarelë.
Por fustanet e nusërisë nga Nicole Sposa e Justin Alexander ishin një befasi me vete për të pranishmit në sfilatë, pasi vajzat e njohura të spektaklit pranuan të vishnin veshje provokuese, që jo çdo nuse do të guxonte t’i vishte në ditën e saj më të rëndësishme të jetës.
VIP, të cilat mbanin veshur fustanet sensuale ishin; Alesia Bami, Eni Koçi, Alba Hoxha, Einxhel Shkira, Eliona Pitarka, etj.. Sigurisht që veçantia e këtij viti ishte se krahas fustaneve të nusërisë, në pasarelë u prezantua dhe koleksioni “lingerie”, ku vajzat u shfaqën me të brendshme tejet seksi dhe tërheqëse.
Gjithashtu, vlen të theksojmë se Einxheli, Alba dhe nusja e mbrëmjes që përfundoi sfilatën, Eni Koçi, ishte hera e parë që i shihnim të veshura me fustane nusërie, pasi ato nuk kanë marrë pjesë asnjëherë më parë në sfilata të tilla.
Nuk dihet nëse kjo sfilatë e Enit do i paraprijë dasmës së saj me këngëtarin nga Kosova, Genc Prelvukaj, një taktikë që e ndoqi edhe prezantuesja Marina Vjollca para se të martohej me Getoar Selimin.
Ndërkohë, edhe Einxhel Shkira dhe Eliona Pitarka kanë deklaruar se janë të dashuruara, po pa bërë publikë emrat e partnerëve. Ndërsa balerina Alba Hoxha ka kohë që po përflitet për një lidhje me koreografin e saj, Albi Nakon.