E gjithë bota tashmë është futur në Vitin e Ri 2019. Atmosferë ka patur në Azi, Europë, Afrikë dhe Amerikë ndërsa u futëm në vitin e ri 2019 në mesnatë. Kryesisht në Europë dhe Sydney- Australi ka patur spektakël fishekzjarresh deri në mesnatë mbi kryeqytetin e Koresë së Veriut të Phenianit në prag të Vitit të Ri.
Singapori, Hong Kongu, Malajzia dhe Zelanda e Re gjithashtu mirëpritën 2019 me shfaqje të mëdha të fishekzjarreve.Londra filloi një Vitin e Ri shumëgjuhësor, pavarësisht se ishte viti kur Britania e Madhe është e vendosur të largohet nga BE
Në Bregun Perëndimor, 50,000 njerëz mbushën Grand Park në Los Anxhelos për momentet e fundit të vitit që lamë pas duke pritur me gëzim vitin e ri 2019.
Anembanë botës qytetet e ndryshme janë kthyer në verbues shumëngjyrësh nga fishekzjarret.
Qielli u mbush me një sërë ngjyrash dhe tym. Dhjetëra mijëra u ndalën në Champs Elysees të Parisit ndërsa shikonin Arc de Triomphe ndezur në një koleksion magjik të ngjyrave.
Dritat festive gjithashtu zbukuruan qytetet e Hong Kongut, Sidneit dhe Auckland, ndërsa vendet pritën fillimin e vitit 2019.
Në Hong Kong, rrokaqiejt portreti i qytetit ofruan sfondin me fishekzjarre, muzikë dhe dritë mbi Victoria Harbour, ku rreth 300,000 njerëz u mblodhën në prag të Vitit të Ri.
Në Tajlandë, fishekzjarret u panë të ndriçonin qiellin e natës mbi lumin Chao Phraya në Bangkok, ndërsa qindra spektatorë u mblodhën për të mirëpritur në Vitin e Ri, ndërsa në Singapor turmat e njerëzve u përshëndetën nga një shfaqje fishekzjarre futuriste në Marina Bay.
Si e festoi kryesisht Europa Vitin e Ri 2019
Si e feston Europa, Vitin e Ri? Nga pureja e patateve, te shegët apo ëmbëlsira tradicionale e Qipros, mesnata ka të përbashkëta të mëdha, por edhe shumë të veçanta në vende të ndryshme të kontinentit të vjetër.
Vasilopita e Greqisë ka një monedhë brenda dhe, kush e gjen, supozohet që do të ketë fat gjatë vitit në vazhdim! Ai ama duhet ta mbajë në portofol, që t’i qëndrojë i mbushur me parà.
Shega konsiderohet gjithashtu simbol i lashtë i mbarësisë. Hungaria nuk e mendon dot ndërrimin e viteve pa pjatën që përfshin kekë të kripur, derr të pjekur, supë thjerrëzash dhe salçiçe.
Por nuk do të gjeni hungarez që ha mish pule në natën e Vitit të Ri, sepse mendohet që shpendët e largojnë fatin e mirë.
Në Itali, tryeza duhet të ketë patjetër thjerrëza dhe “cotechino” (sallam me mish derri). Dy gjëra janë të rëndësishme për Vitin e Ri në Gjermani: shkrirja e plumbit dhe fishekzjarret.
Në Danimarkë ndiqet shumë fjalimi i përvitshëm i Mbretëreshës; në Bullgari gjejmë “Survakane”-n, një ritual i lashtë ende i preferuar atje, në të cilin mëngjesin e Vitit të Ri, fëmijët godasin lehtë në shpinë anëtarët e familjes me një shkop të zbukuruar, të njohur si “survaknitsa”.
Në Rusi, ndërrimi i viteve është një festë e kremtuar edhe më shumë sesa Krishtlindja. Përveç të tjerash, ajo është e shtrirë në 11 fasha kohore, ndaj teorikisht, nëse udhëton nga Kamçatka në Kaliningrad do të shohësh 11 festa fundviti!