Nis tërheqja e trupave amerikane nga Siria - Bota Sot
Nis tërheqja e trupave amerikane nga Siria

Bota

Nis tërheqja e trupave amerikane nga Siria

Më: 11 janar 2019 Në ora: 13:25
Siri

Një zëdhënës i ushtrisë amerikane tha se koalicioni ushtarak në Siri, i udhëhequr nga Shtetet e Bashkuara, ka nisur procesin e tërheqjes së trupave nga ky vend.

Koloneli Sean Ryan tha se "procesi i tërheqjes sonë të kujdesshme nga Siria ka nisur", edhe pse nuk dha detaje specifike.

"Për shkak të shqetësimit për sigurinë operacionale, nuk do të diskutojmë për kohën specifike, vendndodhjen apo lëvizjen e trupave", tha Ryan.

Vëzhguesi Sirian për të Drejtat e Njeriut, grup që monitoron luftën në Siri, tha se koalicioni ka nisur ta ulë praninë në aeroportin Rmeilan, në provincën verilindore të Sirisë, Hasakeh.

Presidenti i Shteteve të Bashkuara, Donald Trump, ka njoftuar më 19 dhjetor se do të bëjë tërheqjen e të 2,000 trupave amerikane nga Siria.

Njoftimi i tij i ka befasuar aleatët dhe është kritikuar brenda administratës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...