SHBA do të mbajë një samit me fokus Iranin - Bota Sot
SHBA do të mbajë një samit me fokus Iranin

Bota

SHBA do të mbajë një samit me fokus Iranin

Më: 11 janar 2019 Në ora: 20:41
Mike Pompeo

Sekretari amerikan i Shtetit, Mike Pompeo, tha se Shtetet e Bashkuara planifikojnë të mbajnë një samit global, muajin e ardhshëm, në Poloni, i cili do të përqendrohet në Lindjen e Mesme, në veçanti tek Irani.

Në një intervistë për Fox News, Pompeo tha se samiti i 13 dhe 14 shkurtit "do të fokusohet në paqen dhe stabilitetin në Lindjen e Mesme dhe lirinë dhe sigurinë në këtë rajon".

Ai tha se samiti do të mbledhë së bashku udhëheqës nga Azia, Afrika, Hemisfera Perëndimore, Evropa dhe Lindja e Mesme.

Vendimi u bë i ditur të premten, në ditën kur Pompeo arriti në Bahrejn.

Pompeo ndodhet në turne në Lindjen e Mesme, në përpjekje për të siguruar aleatët arabë se SHBA-ja nuk do ta braktisë rajonin, pavarësisht planit për tërheqjen e trupave amerikane nga Siria.

Pompeo po bën thirrje për presion të shtuar kundër Iranit dhe kërkon unitet midis shteteve arabe që janë përfshirë në një mosmarrëveshje diplomatike me Katarin për më shumë se 18 muaj.

"Këto partneritete të Gjirit janë kritike për arritjen e objektivave të përbashkëta rajonale: mposhtjen e grupit militant Shteti Islamik, luftimin e terrorizmit radikal islamik, mbrojtjen e furnizimeve globale me energji dhe luftimin e agresionit iranian", tha një zëdhënës i Departamentit të Shtetit.

Një zëdhënës i ushtrisë amerikane tha të premten se koalicioni ushtarak, i udhëhequr nga Shtetet e Bashkuara në Siri, ka filluar procesin e tërheqjes së trupave nga ky vend.

SHBA e sheh Iranin si financues të terrorizmit global.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...