Gjermania dhe Kina premtuan të rrisin aksesin e tregut për bankat dhe kompanitë e sigurimeve, pas një takimi dypalësh mes autoriteteve kineze në Pekin dhe ministrit gjerman të Financave, Olaf Scholz dhe presidentit të Bundesbank-ut, Jens Weidmann.
Në këtë takim u arritën tre marrëveshje për bashkëpunimi e mbikëqyrjes bankare, tregtimin e letrave me vlerë dhe për të rritur bashkëpunimin midis dy bankave qendrore pas bisedimeve.
“Qëllimi është të arrijmë përparim në thellimin e bashkëpunimit në kundërshtim me tendencat e tjera aktuale”, tha Scholz.
Zëvendëskryeministri kinez Liu përshkroi bisedimet si një “sukses të plotë” megjithëse ai tha se ishte e rëndësishme të trajtohej tema e “mbivlerësimit të degëve të bankave kineze në Gjermani”.
Bashkëpunimi dhe qasja në treg janë veçanërisht të rëndësishme për Kinën dhe Gjermaninë pas Brexit dhe humbjen e mundshme të rëndësisë së Londrës si një qendër financiare ndërkombëtare.
Scholz tha se donte të forconte më tej pozitën e Frankfurtit si një qendër financiare.
Për Kinën, qasja më e madhe në BE është gjithashtu e rëndësishme pasi vazhdon të vuajë pasojat e luftojë një luftës tregtare me SHBA, ku presidenti Donald Trump ka kërcënuar të imponojë tarifa të mëtejshme ndëshkuese nëse nuk arrihet një marrëveshje për luftën tregtare deri në muajin mars.
