Një ish-prokuror i Seulit u dënua sot për shpërdorim detyre me dy vite burg, në lidhje me një çështje shumë të mediatizuar që u bë edhe iniciatorja e lëvizjes #MeToo në Korenë e Jugut.
Ahn Tae-geun u akuzua për ngacmim në mënyrë të vazhdueshme ndaj vartëses së tij, Seo Ji-hyun gjatë ceremonisë mortore të të atit të një kolegu tjetër në 2010. Seo u ankua për rastin, gjë që i shkaktoi një ndryshim rrënjësor në punë dhe madje ulje në detyrë ndërsa karriera e saj u stopua për vite me radhë.
Në janar 2018, magjistratja më në fund e vendosur doli hapur për çështjen të kthyer në tabu duke folur publikisht ku tregoi eksperiencën e saj me lot në sy në televizion. Ishte e paprecedentë, pasi shumë viktima të ngacmimeve qëndrojnë në heshtje në Korenë e Jugut për të mos qenë të përjashtuara.
Intervista shërbeu si katalizator dhe shumë gra të nxitura nga dëshmia e saj denoncuan raste të ngjashme, duke akuzuar figura të botës së artit, politikës dhe vetë institucioneve të besimeve fetare për përdhunime apo ngacmime seksuale.