Të paktën 68 vetë janë vrarë dhe mijëra të tjerë u detyruan të largohen nga shtëpitë e tyre pasi përmbytjet dhe rrëshqitjet e tokës goditën ishullin e Sulawesi-t, në Indonezi, tha një zyrtar të shtunën, përcjell Bota sot.
Rreth 6,700 njerëz në 14 qarqe janë evakuuar dhe tani jetojnë në strehimore, shkolla, tenda apo xhami.
Numri i të shpërngulurve është dyfishuar që nga e premtja pasi zyrtarët për zbutjen e fatkeqësive arritën të kenë qasje në rrethet e izoluara më parë dhe të azhurnojnë shifrat.
Gjashtë persona ende shpallen të zhdukur pas fatkeqësisë.
"Shumë të shpërngulur kanë filluar të shkojnë në shtëpi dhe të pastrojnë shtëpinë e tyre, sepse shiu nuk është më intensive sot", tha për AFP të shtunën kreu i agjencisë lokale për zbutjen e fatkeqësive Syamsibar, i cili si shumë indonezianë shkon me një emër.