Mbështetje shkëmbimesh të lira të mallrave në kundërshtim me çdo formë të proteksionizmit dhe globalizimi të tregtisë ishin temat e promovuara gjatë takimit midis kryeministrit japonez, Shinzo Abe dhe kancelares gjermane, Angela Merkel, e cila po viziton Japoninë.
“Ndërsa fenomenet e proteksionizmit po vazhdojnë të përhapen globalisht dhe Britania e Madhe po përgatitet të largohet nga Bashkimi Europian, roli i Japonisë dhe Gjermanisë bëhet gjithnjë e më shumë i rëndësishëm”, theksoi Abe gjatë takimit me kancelaren Merkel.
Merkel theksoi se ’’marrëveshja për shkëmbime të lira e nënshkruar midis BE-së dhe Japonisë (EPA) “do të shërbejë si një sinjal për pjesën tjetër të botës’’. /ATSH
