Amerika e shpall fajtor El Chapon për trafikim droge - Bota Sot
Amerika e shpall fajtor El Chapon për trafikim droge

Bota

Amerika e shpall fajtor El Chapon për trafikim droge

Më: 12 shkurt 2019 Në ora: 19:12
Joaquín Archivaldo Guzmán Loera

Joaquín Archivaldo Guzmán Loera, i njohur si "El Chapo" është shpallur fajtor për trafikim droge nga gjykata në Shtetet e Bashkuara të Amerikës dhe do të kalojë pjesën e mbetur të jetës në një burg të sigurisë së lartë në SHBA.

Pas më shumë se 30 orë, juria e përbërë nga 12 persona, 8 gra dhe 4 burra, u tërhoq për të marrë vendimin ndaj bosit të kartelit meksikan Sinaloa.

61-vjeçari Guzmán akuzohej me 10 akuza si përfshirje në grup kriminal, pastrim parash të drogës, trafik ndërkombëtar kokaine, heroinë, marijuanë dhe drogë të tjera, si dhe përdorim i armëve të zjarrit. 

Ai u shpall fajtor për të gjtha akuzat dhe tani rrezikohen të dënohet me burgim të përjetshëm.

Gjyqi ndaj El Chapo zgjati rreth 2 muaj e gjysmë me mbi 200 orë dëshmi nga 56 dëshmitarë, pjesa më e madhe trafikantë dhe bashkëpunëtorë të penduar.

Në gjyq u paraqitën edhe prova si fotografi dhe telefonata të përgjuara. E pranishme në sallën e gjyqit për të parë vulosjen e fatit të El Chapo ishte edhe bashkëshortja e tij, Emma Coronel Aispuro. El Chapo në një moment gjatë gjyqit u kthye nga ajo dhe i buzëqeshi. 29-vjeçarja i ktheu buzëqeshjen dhe vendosi dorën e saj mbi zemër.

Pala mbrojtëse i mohoi akuzat duke thënë se El Chapo ishte futut në kurth, dhe se lideri i vërtetë i kartelit Sinaloa ishte dikush tjetër.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...