Sekretari amerikan i Shtetit, Mike Pompeo ka konfirmuar se ka marrë vendimet e duhura që të miratohet sa më shpejtë vendimi për të rritur praninë ushtarake amerikane në Poloni, njoftoi sot ministri polak i Punëve të Jashtme, Jacek Czaputowicz.
Ministri i Jashtëm polak kishte zhvilluar dje një bisedë telefonike me kreun amerikan të diplomacisë, shkruan ATSH.
Mike Pompeo tha se bisedimet për këtë çështje po zhvillohen në nivelin e ministrive të mbrojtjes kombëtare.
“Ne duam që kjo prani të jetë kuptimplotë dhe e rëndësishme, si dhe që ne të kemi një vend të rëndësishëm në axhendën amerikane”, tha Czaputowic.
