Alem Shimeni, 30-vjeçare, ka rënë nga një lartësi rreth 40 metra në një bllok banesash në Royalston, Glasgow në Skoci.
Një banor ka bërë foton ku ajo shihet e varur jashtë dritares dhe sikur dikush po e mban për flokësh për ta shpëtuar.
Ajo ndërroi jetë në vend dhe u dërgua në spitalin Royal Infirmary për obduksion.
Dëshmitari që fotografoi gruan tha për mediat britanike se kishte dëgjuar klithmat e saj dhe kishte dalë në dritare të shohë se çfarë ishte duke ndodhur, ku pa një grua që po mbahej për flokësh, e varur jashtë dritares.
“Ajo nuk ra menjëherë, pasi përpiqej në mënyrë dëshpëruese të mbahej për dritare”, tha ai duke shtuar se skena ishte shumë e tmerrshme kur gruaja ra më në fund nga kati i njëmbëdhjetë i banesës.
Policia është duke trajtuar vdekjen si rast të dyshimtë, por nuk ka ende të arrestuar.
