Autoritetet në Venezuelë sot e liruan gazetarin amerikan, Kedi Vedëll dhe bashkëpunëtorin e tij pasi që mbi 12 orë kaluan në paraburgim.
Forcat e sigurisë në Venezuelë dje e arrestuan gazetarin Vedëll nga banesa e tij në Karakas.
Një grup prej pesë burrave në uniforma të zeza, duke mbajtur urdhëresë me shkrim, hynë në banesën e Vedllit. Pas dy orësh, ata së bashku me Vedllin, i cili mbante një valixhe të madhe dhe një çantë me pajisje, u larguan nga banesa.
Vedlli mbi katër vite raporton nga Venezuela, ndërkaq kohëve të fundit punoi si gazetar i lirë për ABC në Majami.
Edhe ndihmësi i Vedllit, Karlos Kamaço në mënyrë të njejtë ishte marrë nga shtëpia e tij.
Ende nuk dihet përse janë arrestuar dy gazetarët.
Arrestimi i tyre ndodhi ditën e njejtë kur Qeveria e Venezuelës kumtoi se e dëbon ambasadorin e Gjermanisë, Daniel Martin Kriner nga Karakasi për shkak të përzierjes në punët e brendshme të vendit.
