Erdogan: Anulimi i kontratës për blerjen e sistemit mbrojtës rus, i pamundur - Bota Sot
Erdogan: Anulimi i kontratës për blerjen e sistemit mbrojtës rus, i pamundur

Bota

Erdogan: Anulimi i kontratës për blerjen e sistemit mbrojtës rus, i pamundur

Më: 15 mars 2019 Në ora: 06:32
Recep Tayyip Erdogan

Nuk është e mundur që Turqia të tërhiqet nga një marrëveshje me Rusinë, për blerjen e sistemit të mbrojtjes raketore, S-400, tha të enjten presidenti Tayyip Erdogan.

Ai bëri koment në një intervistë me transmetuesin privat Haberturk. I pyetur nëse është e mundur që Turqia të blejë S-400, por jo t’i aktivizojë, Erdogan tha se nuk ishte e mundur.

Uashingtoni ka paralajmëruar se prokurimi i sistemeve S-400 nga Rusia mund të rrezikojë marrëveshjet e industrisë së mbrojtjes midis aleatëve të NATO-s.

Departamenti i Shtetit i SH.B.A-ve javën e kaluar tha se Uashingtoni i kishte thënë Turqisë se nëse blen sistemet S-400, Shtetet e Bashkuara do të duhet të rivlerësojnë pjesëmarrjen e Ankarasë në programin luftarak Lockheed Martin F-35, pasi ky sistem i fundit nuk mund të bashkëjetojë me S400-ën.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...