Rrëfimi prekës nga Zelanda: I ndihmova një të plagosuri të flas me grua në telefon, më pas vdiq - Bota Sot
Rrëfimi prekës nga Zelanda: I ndihmova një të plagosuri të flas me grua në telefon, më pas vdiq

Bota

Rrëfimi prekës nga Zelanda: I ndihmova një të plagosuri të flas me grua në telefon, më pas vdiq

Më: 15 mars 2019 Në ora: 20:27
Një dëshmitare e ngjarjes

Një dëshmitare e ngjarjes së tmerrshme që ka tronditur të premten Zelandën e Re, ka rrëfyer me lot në sy të gjithë terrorin që kishte përjetuar.

Ajo ka treguar se si në një moment e ka parë një person të plagosur të shtrirë në rrugë i cili po përpiqej të telefononte gruan e vet për t’i ardhur në ndihmë.

66 vjeçarja tregon se si ia kishte marrë telefonin, dhe i kishte treguar gruas së personit të plagosur që burri i saj ishte plagosur.

“ Ia morra telefonin dhe i thash gruas së tij, që burri juaj është plagosur jashtë ndërtesës së Xhamisë. Por mos eja këtu tek “Deans Avenue” sepse është rrezik, por shko drejt në spital dhe prite atje”, ka rrëfyer ajo.

Më pas tregon për përpjekjet që kishte bërë për ta mbajtur në jetë personin e plagosur, megjithatë fatkeqësisht tregon se në momentin që e kishte kaluar rrugën ai kishte ndërruar jetë.

“I thash se nuk do të duhej të dorëzohej, sepse gruaja e tij ishte duke e pritur në spital. U përpoqëm ti jepnim ndihmë, por djali i gjorë ndërroi jetë sapo e kaluam rrugën, Nuk e kisha menduar se do të përjetoja diçka. Unë jam 66 vjeçare dhe nuk e kisha besuar së do të përjetoja diçka si kjo, të paktën jo në Zelandën e Re”, ka thënë ajo me lot në sy.

Teksa gazetari i thoshte se për këtë akt ajo ishte një heroinë, ajo nuk pranon, dhe me lot në sy thotë se do të kishte mundur të bënte diçka më shumë. Nga sulmi terrorist në dy Xhamitë në Zelandë të Re kanë mbetur të vdekur 49 persona ndërsa dhjetëra të tjerë janë plagosur. Për një ngjarje të tillë makabër kanë reaguar edhe liderët botërorë, përfshirë edhe udhëheqësit e institucioneve të Republikës së Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...