Ajsbergët shkëputen nga akullnaja Grey - Bota Sot
Ajsbergët shkëputen nga akullnaja Grey

Bota

Ajsbergët shkëputen nga akullnaja Grey

Më: 15 mars 2019 Në ora: 20:48
Akullnaja Grey

Brenda 15 ditëve, dy ajsbergë të mëdhenj u shkëputën nga akullnaja Grey, në Patagoninë kiliane.

Më 20 shkurt, një ajsberg gjigant prej 8,8 hektarë (i barasvlefshëm me 6 fusha futbolli) u shkëput dhe u nda nga një prej faqeve të mureve të akullnajës Grey. Menjëherë më pas, më 7 mars u shkëput një bllok i dytë rreth 6 hektarë.

Harku kohor mes ngjarjeve të tilla nuk ka qenë asnjëherë kaq i shkurtër.

Këto dy shkëputje shkaktuan një humbje prej 500 metra të akullnajës Grey, më shumë se gjysma e asaj që u regjistrua gjatë dekadës së kaluar.

”Në 2017, një ajsberg i vogël u shkëput gjithashtu”, vë në pah një shkencëtar i Institutit Antarktik Kilian, Ricardo Jana. Por është e sigurt se humbja e masës në vitet e mëparshme ishte më e vogël se këtë vit.

Shkencëtarët të cilët po ndjekin ecurinë e ndryshimeve të kësaj qendre pohojnë se gjatë 30 viteve, ajo ka humbur rreth dy kilometra.

Grey është një prej 24100 akullnajave të Kilit. Kjo masë gjigante akulli me ngjyrë të kaltërt 270 kilometra katror sipërfaqe ndodhet në liqenin me të njëjtin emër, në pjesën perëndimore të Parkut Kombëtar të Torres del Paine, një pikë e rëndësishme turistike e vendit./ATSH/

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...