Kim Jong Un mbikëqyr testin e një arme të re taktike - Bota Sot
Kim Jong Un mbikëqyr testin e një arme të re taktike

Bota

Kim Jong Un mbikëqyr testin e një arme të re taktike

Më: 18 prill 2019 Në ora: 06:26
Kim Jong Un

Udhëheqësi i Koresë së Veriut Kim Jong Un mbikëqyri testimin e një lloji të ri të armëve të mërkurën, njoftoi Agjencia Qendrore Koreane e Lajmeve (KCNA).

Ky është testimi i parë i armëve të Koresë së Veriut, që kur samiti i dytë me SHBA-të në Hanoi, përfundoi pa marrëveshje në shkurt.

KCNA nuk e përshkroi saktësisht se çfarë është arma, përfshirë nëse ishte një raketë apo një lloj tjetër arme, por “armë taktike” nënkupton një armë me rreze të shkurtër, në krahasim me raketat balistike me rreze të gjatë që janë parë si kërcënim për Shtetet e Bashkuara.

Kim tha se “përfundimi i zhvillimit të sistemit të armëve shërben si një ngjarje me rëndësi shumë të madhe në rritjen e fuqisë luftarake të ushtrisë së Koresë së Veriut”, sipas KCNA.

Vitin e kaluar, Kim gjithashtu kishte mbikëqyrur një test të një arme taktike të paidentifikuar në nëntor, e cila mund të fortifikojë Korenë e Veriut si një “mur prej çeliku”, sipas mediave shtetërore, të cilat ekspertët thanë se ishte pjesë e nismës së Kim për të zhvendosur shtyllën konvencionale ushtarake nga një ushtri prej gati 1.3 milionë ushtarëve, në armë të teknologjisë së lartë.

Në prill të vitit 2018, Kim tha se Koreja e Veriut do të ndalonte testet bërthamore dhe nuk do të lëshonte raketa balistike ndërkontinentale, sepse aftësitë bërthamore të Phenianit ishin “verifikuar”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...