Dalin detaje mbi takimin mes Putin dhe Kim Jong-un - Bota Sot
Dalin detaje mbi takimin mes Putin dhe Kim Jong-un

Bota

Dalin detaje mbi takimin mes Putin dhe Kim Jong-un

Më: 24 prill 2019 Në ora: 07:17
Vladimir Putin dhe Kim Jong Un

Udhëheqësi i Koresë së Veriut Kim Jong Un dhe Presidenti rus Vladimir Putin do të takohen të enjten në portin rus të Paqësorit, në Vladivostok, për të diskutuar debatin ndërkombëtar rreth programit bërthamor të Phenianit, tha një zyrtar i Kremlinit.

Vizita është pjesë e përpjekjes së Kim për të ringritur përkrahjen e huaj, thanë analistët, pasi dështimi i një samiti të dytë mes SHBA-së dhe Koresë së Veriut në Vietnam, në shkurt, nuk nënkuptonte asnjë lehtësim mbi sanksionet për Korenë e Veriut.

Hollësitë e samitit u konfirmuan nga Yuri Ushakov, një ndihmës i politikës së jashtme të Kremlinit. Pika kryesore në rendin e ditës do të ishte përpjekja ndërkombëtare për t’i dhënë fund bllokimit mbi programin bërthamor të Koresë së Veriut, u tha Ushakov gazetarëve.

“Në muajt e fundit gjendja rreth gadishullit është stabilizuar disi, falë nismave të Koresë së Veriut për ndalimin e testimit të raketave dhe mbylljen e vendit të testimit të tij nuklear”, tha Ushakov. “Rusia synon të ndihmojë në çdo mënyrë të mundshme për të çimentuar atë prirje pozitive”.

Agjencia Qendrore Koreane e Lajmeve (KCNA) e Koresë së Veriut tha të martën se vizita do të ndodhë së shpejti, por nuk ka elaboruar në një kohë apo vend. Ndihmësi kryesor Kim, Kim Chang Son, është parë në Vladivostok të dielën, sipas agjencisë së lajmeve Yonhap të Koresë së Jugut.

Rusia prej vitesh është përfshirë në përpjekjet për të bindur Korenë e Veriut që të heqë dorë nga programi i saj bërthamor. Ajo u përfshi në të ashtuquajturat bisedime gjashtë palësh, së bashku me dy Koretë, Japoninë, Shtetet e Bashkuara dhe Kinë, që u mbajtën së fundmi në 2009.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...