Gruaja më e shëndoshë në Rusi ra nga pesha pasi fqinjët e saj shprehën frikën se mund t’i shembte tavanin. Natalia Rudenko ra plot 40 kilogramë, pasi iu nënshtrua një operacioni për zvogëlimin e stomakut. Tani ajo peshon 225 kilogramë.
36-vjeçarja, e cila jeton në katin e dytë të një blloku të vjetër apartamentesh në qytetin e Volgograd, duke folur për mediat fqinje u shpreh e lumtur për rënien në peshë.
“Tani që peshoj 225 kilogramë ndihem më e lumtur. U përballa me problemet e mira. Ndonjëherë duhet të shihesh në pasqyrë për të kuptuar. Është e sikletshme, e frikshme dhe e shpifur. Mund ta imagjinoj mirë se çfarë kanë menduar të tjerët për mua”.
Vitin e shkuar Rudenko përfundoi në media pasi fqinjët e saj deklaruan se ishin të frikësuar se do t’i binte tavani mbi kokë.
“Dëgjojmë hapat e saj dhe ato bëjnë që tavani të kërcasë. Kemi frikë se një dite tavani nuk do të mbajë më dhe do ta zerë poshtë”, u shprehën ata.
