Forcat pro-qeveritare siriane kanë marrë kontrollin e qytetit të Kalat el-Madik në veriperëndim të Sirisë, njoftojnë banorët e qytetit dhe Observatori sirian i Opozitës për të Drejtat e Njeriut.
Qeveria siriane ka intensifikuar sulmet ndaj territorit më të madh të mbetur të kontrolluar nga kryengritësit në Siri dhe Kalat el Madik është zona më e afërt me bazën ruse Hmedim, e cila ishte bombarduar kohët e fundit nga rebelët.
Forcat siriane zgjeruan ofensivën në veriperëndim të vendit, e cila deri tani ka qenë e bazuar në sulme ajrore dhe granatime. Ato hynë dje në fshatin Kfar Nabudah, i cili është nën kontrollin e rebelëve në jugperëndim të enklavës.
Në luftën civile në Siri, që nga viti 2011, qindra mijëra njerëz kanë humbur jetën dhe miliona janë zhvendosur.