Izraeli është një hap më afër zgjedhjeve të reja, pasi parlamenti sot miratoi kërkesën preliminare për shpërbërje, ndërsa përpjekjet e kryeministrit Benjamin Netanyahu për të formuar një qeveri vazhdojnë të mbeten në qorrsokak.
Parlamenti, megjithatë, ende duhet të presë votimin përfundimtar për shpërbërje dhe të përcaktohet data e zgjedhjeve, raporton Reuters.
Agjencia thotë se votimi nuk ka gjasa të mbahet para së mërkurës, kur skadon afati kohor në të cilin kryeministri duhet të njoftojë se koalicioni qeverisës po e përfundon mandatin e tij.
Zgjedhjet e fundit në Izrael u mbajtën në prill.