Shtatë persona gjetën vdekjen dhe 16 të tjerë rezultojnë ende të zhdukur në Budapest, pasi një anije turistike hungareze me 34 persona në bord, u përmbys.
Dy anije me turistë hynë në lumin Danub, por njëra prej tyre me 34 persona brenda u përmbys, ndërsa në të ndodheshin 32 pasagjerë dhe dy anëtarë të ekuipazhit.
Ndërkohë që shtatë turistë korean u nxorën të vdekur, trupat e 16 të tjerëve nuk janë gjendur ende.
Ngjarja e rëndë ndodhi gjatë pasdites së kësaj të marte, ndërkohë që kërkimet janë në vijim.
Zona ku ndodhi ngjarje u mbyll me perimetër sigurie nga policia, ndërkohë që zhytësit vijojnë kërkimet.
Por për shkak të reshjeve të dendura, rrjedha e lumit është shumë e fortë.
