Presidenti i Shteteve të Bashkuara të Amerikës, Donald Trump, ka deklaruar se do të shpallë kandidaturën e tij për të kandiduar në zgjedhjet presidenciale të vitit 2020 gjatë këtij muaji.
Shpallja do të mbahet në një miting në Orlando të Floridës.
“Më 18 qershor do të shpall kandidaturën time presidenciale me zonjën e parë Melania, nënpresidentin Mike Pence dhe zonjën e dytë Karen Pence”, tha Trump.
Trump ka ngritur mbi 30 milionë dollarë për zgjedhjen e tij, më shumë se çdo kandidatë tjetër demokrat, veç 41 milionë dollarëve që presidenti ka kursyer në bankë.
Fondi më i madh i kandidatëve demokratë është senatori Bernie Sanders me 18 milionë dollarë.
Pavarësisht asaj se ende nuk e ka shpallur ofertën e tij, Trump tashmë ka nisur fushatën duke organizuar mitingje në shtetet e Pensilvanisë dhe Floridës.
Presidenti amerikan së fundmi ka arritur vlerësim më të lartë në dy vitet e fundit të presidencës së tij, 48 për qind sipas një sondazhi nga Universiteti i Harvardit.
