SHBA rrëzoi një dron iranian në Ngushticën e Hormuzit - Bota Sot
SHBA rrëzoi një dron iranian në Ngushticën e Hormuzit

Bota

SHBA rrëzoi një dron iranian në Ngushticën e Hormuzit

Më: 19 korrik 2019 Në ora: 08:01
Ilustrim

Presidenti Donald Trump deklaroi se marina amerikane rrëzoi një dron iranian në Ngushticën e Hormuzit.

Ai tha se anija amfibe e sulmit të USS Boxer "mori masa mbrojtëse" pasi avioni hyri në territorin e anijes duke iu afruar shumë mjetit ushtarak.

"Ne ndërmorëm masa mbrojtëse kundër një droni iranian që u afrua në një distancë shumë të afërt, rreth 1000 metra, duke injoruar thirrjet e shumëfishta për tu larguar dhe duke kërcënuar sigurinë e anijes dhe të ekuipazhit të anijes”, tha Trump.

Ai shtoi se ky është një tjetër provokim dhe veprim armiqësor i Iranit ndaj anijeve ndërkombëtare.

"Ky është veprimi i fundit nga shumë veprime provokative dhe armiqësore të Iranit ndaj anijeve që lundrojnë në ujërat ndërkombëtare. Shtetet e Bashkuara rezervojnë të drejtën për të mbrojtur personelin, pajisjet dhe interesat tona”, vijoi Trump.

Megjithatë, Irani tha se nuk kishte informata për humbjen e ndonjë droni.

Në qershor, Irani rrëzoi një dron ushtarak amerikan në të njëjtën zonë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...