Ministri iranian: SHBA-ja dhe aleatët e saj kanë kthyer Gjirin Persik në "fuqi baruti" - Bota Sot
Ministri iranian: SHBA-ja dhe aleatët e saj kanë kthyer Gjirin Persik në "fuqi baruti"

Bota

Ministri iranian: SHBA-ja dhe aleatët e saj kanë kthyer Gjirin Persik në "fuqi baruti"

Më: 12 gusht 2019 Në ora: 15:41
Ministri i Jashtëm iranian, Mohammad Javad Zarif.

Ministri i Jashtëm iranian, Mohammad Javad Zarif, ka akuzuar Shtetet e Bashkuara dhe aleatët e tyre se janë duke kthyer Gjirin Persik në një “fuçi me barut që është gati të shpërthejë”, duke “dërguar armë” në rajon, ka raportuar Al Jazeera.

Kanali televiziv me seli në Katar ka cituar ministrin Zarif të ketë thënë edhe se pozicionimi i më shumë anijeve luftarake në Gjirin Persik mund të rezultojë me më shumë pasiguri.

Zarif i ka bërë këto komente teksa marrëdhëniet në mes të Iranit dhe Shteteve të Bashkuara vazhdojnë të jenë të tensionuara, meqë Uashingtoni është tërhequr një vit më parë nga marrëveshja bërthamore që Teherani ka nënshkruar me fuqitë botërore në vitin 2015.

Përveç kësaj, SHBA-ja ka nisur sanksione ndaj Iranit duke synuar që t’i dëmtojë këtij shteti sektorin bankar dhe atë të naftës.

Shqetësimet për përshkallëzim të situatës janë rritur pas një serie të përballjeve në det, meqë forcat iraniane kanë kapur një anije me flamur të Britanisë së Madhe në Ngushticën e Hormuzit.

Më herët gjatë këtij muaji, Britania ka njoftuar se do t’iu bashkohet Shteteve të Bashkuara në një “mision ndërkombëtar për siguri” me qëllim të rritjes së sigurisë së anijeve dhe interesave tjera në Gjirin Persik.

Ndërkohë Zarif ka thënë Irani “nuk heziton që të mbikëqyrë sigurinë e saj” në këtë Ngushticë, përmes së cilës realizohen transporte ndërkombëtare të naftës dhe gazit nga Lindja e Mesme.

Aktualisht, Këshilltari amerikan për Siguri Kombëtare, John Bolton gjendet në Londër për një vizitë dyditore, gjatë së cilës pritet t’i kërkojë Britanisë qasje më të ashpër ndaj Iranit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...