Australia pritet të bllokojë qasjen në faqet e internetit që shfaqin materiale terroriste gjatë krizave.
Australia do të bllokojë qasjen në faqet e internetit që shfaqin materiale terroriste gjatë krizave dhe do të konsiderojnë vendosjen e një legjislacioni që detyron platformat digjitale të përmirësojnë sigurinë e shërbimeve të tyre, deklaruan zyrtarët e Qeverisë të dielën.
Kryeministri Australian, Scott Morrison, tha se Qeveria po tenton të parandalojë sulmet terroriste duke ndaluar publikimin e pamjeve të dhunshme në platformat digjitale.
“Ne po bëjmë gjithçka për të mohuar mundësinë që terroristët të mburren me veprimet e tyre”, thuhet në njoftim, transmeton rel.
Australia dhe Zelanda e Re kanë ngritur kontrollin ndaj ueb faqeve dhe rrjeteve sociale pas masakrës në Kristçërç ku mbetën të vdekur 51 besimtarë.
Sulmi ishte shfaqur drejtpërdrejtë nga sulmuesi Brenton Tarrant në Facebook.
