Një familje në kryeqytetin e Gjeorgjisë, Tibilisi ka përjetuar një ngjarje horror derisa po bënte një shëtitjet e zakonshme familjare.
Dy fëmijët e tyre u sulmuan nga një grua e cila ndodhej përballë tyre në po të njëjtën rrugë, shkruajnë mediat e huaja.
Fillimisht ajo sulmon djalin e tyre 3 vjeçar i cili ishte bashkë me nënën e tij. Pamjet tregojnë se gruaja i afrohet të riut, duke nxjerrë një thikë nga një çantë e zezë dhe duke e goditur nëpër fytyrë. Reagimi i prindërve të fëmijës është i menjëhershëm të cilët arrijnë ta largojnë djalin e vogël nga sulmuesja. Mirëpo, ajo nuk ndalet,e zemëruar tenton ta sulmojë edhe vajzën tjetër të çiftit që ndodhej pak më tutje me babain e saj.
Ajo fillon të ecë para se të kthehet dhe të përpiqet të godasë me thikë fëmijën e dytë. Babai e largon vajzën e vogël përpara se ajo të krijojë kontakt me të.
Djaloshi i sulmuar u dërgua menjëherë në spital, ku kishte disa prerje në hundë dhe faqe.
Policia arriti që menjëherë të gjurmojë sulmuesen. Prindërit e djalit thanë se nuk e kishin parë kurrë më parë atë grua. Gruaja 51 vjeçare rrezikon të përballet me 10 vite burg.