Caktohet data për gjykimin e të dyshuarit për sulmet e 11 shtatorit - Bota Sot
Caktohet data për gjykimin e të dyshuarit për sulmet e 11 shtatorit

Bota

Caktohet data për gjykimin e të dyshuarit për sulmet e 11 shtatorit

Më: 31 gusht 2019 Në ora: 15:13
Khalid Sheikh Mohammad

Autoritetet amerikane e kanë caktuar një datë për gjykimin e personit me emër Khalid Sheikh Mohammad, i cili akuzohet për planifikimin e sulmeve terroriste të 11 shtatorit në Shtetet e Bashkuara.

Mohammad-i, një nga figurat kryesore të Al Qaeda-s dhe i njohur edhe si “arkitekti kryesor” i sulmeve të tmerrshme, do të dalë në gjyq më 11 janar të vitit 2021 bashkë me katër të dyshuar të tjerë.

Pesë burrat akuzohen për krime lufte, përfshirë terrorizmin, marrjen e aeroplanëve nën kontroll dhe rreth 3000 akuza për vrasje për shkak të rolit të tyre në organizimin e sulmeve të 11 shtatorit në Qendrën Tregtare Botërore dhe në Pentagon.

Nëse shpallen fajtorë, ata mund të dënohen me vdekje.

Ky proces gjyqësor është një hap para në betejën e gjatë ligjore për të ngritur aktakuza sipas ligjit civil dhe ushtarak për sulmin që e tmerroi botën.

Ky person ishte arrestuar në vitin 2003 në Pakistan dhe u dërgua në burgun e Guantanamos. Ai kishte thënë se do ta pranojë fajin, ndonëse përpjekja për ta kryer procesin gjyqësor kishte dështuar në vitin 2008, shkruan “Independent”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...