Plazhi i bukur Reynisfjara në Islandë është i njohur në të gjithë botën për rërën e zezë që u krijua nga derdhja e lavës në oqean, por shoqërohet edhe nga një histori e errët.
Përkatësisht, plazhi për të cilin shumë turistë janë të ‘çmendur’, shtrihet në bregdetin jugor të Islandës, në brigjet e Atlantikut të Veriut, ku rrymat e rrezikshme dhe të paparashikueshme të detit mund të shkaktojnë valë të mëdha.
Meqenëse ka shumë shkëmbinj të mëdhenj nënujorë në plazh dhe valët vijnë në intervale të paparashikueshme, ndodh shpesh që turistët që duan të bëjnë foto të paharrueshme nga Islanda, dh vijnë shumë afër ujit, ku merren nga valët që i përplasin për shkëmbinj. Shumë prej tyre kanë humbur jetën tragjikisht në këto shkëmbinj.
Sipas web faqes “Guide to Iceland”, gati çdo ditë dikush befasohet nga valët e papritura, ndërsa ata që kanë fat përfundojnë me rroba të lagura ose kamera të shkatërruara, por disa edhe vdesin.
